علاج هربس الشفايف

هنكلم انهارده عن هربس الشفايف

🌞اية #اسباب نشاط الهربس البسيط على الشفايف ؟
👉1- التعرض للشمس فتره طويله

👉2 - فترة الحيض 

👉3-  بعد حدوث ارتفاع  حراره  فى الجسم عشان كده بعض الناس تسميها حراره او تقول الحراره طلعت على الشفايف

👉4- ضغط نفسى

👈👈كل ماتحصل حاجه من دول بتهيجه👿 وبيطلع من الخلايا العصبيه اللى كان مستخبى فيها 👌

ويجى بقى يعمل.👈الم ..تنميل....حكه...فقاعات معبيه ميه...قرح

🌟⭐🌟⭐🌟⭐🌟⭐🌟⭐

#العلاج
 اول ماتحس بتنميل فى اى مكان حوالين شفايفك وحكه ....على طول روح الصيدليه وجيب
zovirax cream or acyclover cream
ادهن منه 5 مرات يوميا لمدة 5 ايام
 هيقلل التكاثر بتاع الفيرس  وكمان بيقلل الاعراض المؤلمه وهياخد فترة قليله ويخف
ولو الموضوع متكرر متنساش تستخدم واقى شمس بانتظام
⭐🌟⭐🌟⭐🌟⭐🌟⭐🌟⭐

لكن هيحصل ايه لو معرفتش ان الاعراض دى بتاعت الفيرس ومالحقتوش من الاول وهو فى فترة الحضانة
مفيش حاجه هتحصل متخفش كل الموضوع انه هياخد فترة ممكن ٨ ايام ويروح لوحده فى خلال الفتره وللاسف الكريم مضاد الفيورسات ملهوش اى دور
انما ممكن تستخدم كريم مضاد حيوى عشان ميحصلش عليها التهاب بكتيرى  مع كمادات تلج او لبن بارد ماشى  ....

✋✋👈خدوا بالكم #بيتنقل عن طريق
👈 فرشاة الاسنان ....
👈مرطب الشفايف ..
👈.الفوطه ...
👈ملامسة الشفايف .
👈 الاكواب وخصوصا عند محل عصير القصب

اى حد عنده. الفيرس ده يبعد،عن الاطفال والحوامل ✋✋

⭐🌟⭐🌟⭐🌟⭐🌟⭐🌟⭐🌟⭐🌟⭐🌟⭐🌟⭐🌟⭐🌟⭐🌟