شعري هايش و أطرافه مقصفة 💇 اعمل ايه ؟😥😥😥

دكتورة شعري  هايش و أطرافه مقصفة مع إنه ماكنش كده.

التغير المفاجئ في الشعر يدل علي إن مشكلة طرقت عليه ، و ده ممكن يكون لأسباب كتير.
لمشاهدة الفيديو ده 🎬 على اليوتيوب

🔸استخدام شامبوهات رديئة وغسل الشعر اكتر من مرتين اسبوعيا لإن الغسيل المتكرر بتنشف فروة راسك من الدهون و الزيوت الطبيعية إللي بترطب فروة راسك و تمنح شعرك الترطيب الطبيعي
🔹رطوبة الجو العاليه..
🔸استخدام سيشوار او سيراميك غير متاين بتساهم بهيشان الشعر وبتحصل كتير تكونى لسه عامله بيبى لايس وتلاقى الشعر هايش !!
🔸استخدام مشط بلاستيكى او فرشة شعر سنونها ضيقة 
🔹استخدام طرح الشعر من نوع البوليستر وكذلك اغطية المخدات .

بعد ماعرفنا👏 الاسباب

ليكي ١٠ نصايح لتجنب المشكلة 👇ويا سلام لو تكتبيهم

١-لا تغسلي شعرك أكثر من⏱️ مرتين إسبوعيا و تجنبي استخدام الماء الساخن 🌡️علي شعرك و بدليه بماء فاتر (لا سخن و لا بارد).

٢-اختاري شامبو خفيف  يكون خالي من السلفات و متعادل الحامضية (PH 5.5)  لأن الشامبوهات التجارية اغلبها بتنشف الشعر و تزود مشكلة التقطف.


٣-استخدمي بلسم بعد غسل الشعر لانه بيطرى الشعر وبيصلح تأثير الشامبو على الشعر
يترك ٣-٥ دقائق على الشعر ويشطف

٤-قومي دايما بقص ✂️  الاطراف المتقصفة بانتظام.

٥-راقبي نظامك الغذائي و وفري بروتينات أكثر و خضروات أكثر في اكلك لأن شعرك بيتأثر بتوفر و نقص بعض ال فيتامينات مثل البيوتين و فيتامينات ب و سي و  بعض المعادن زي الزنك و النحاس و الحديد.
لو اكلك مش صحي أو بتعملي دايت اهتمي تاخدي مكملات غذائية زي بنتوجار أو هاى بوتنسى أو هيرتون أو كيروفيت كبسولة أو قرص يوميا لمدة ٣شهور

٦-ابعدي قد ما تقدري عن 🚫 صبغات الشعر  و علاجات الكيراتين أو البروتين ولأنها أسرع طريق لتدمير الشعر تماما حتي لو خالية من الفورمالين.

٧-لا تستخدمي مجفف الشعر علي شعرك المبلل و إستني لحد ما شعرك ينشف تماما قبل عمله بالبيبي ليس أو الاستشوار.
وهتجيبى اللى مكتوب عليه ionic👌 واستخدمى السيروم للشعر قبل السيشوار او البيبى ليس بنص ساعه

٨-اعملي ماسك لشعرك كل أسبوع مرة لتغذيته و إصلاح التلف  أو حمام زيوت الافوكادو و الجوجوبا و إلارجان و زبدة الشيا ( ملحوظة دفي الزيوت قليلا قبل استخدامها عشان تزودي امتصاصها و تلاقي نتايج أفضل).

ابعدي عن المنتجات إللي فيها كحول 🚫 لأنها هتسبب جفاف و تقصف آكتر و اقري محتويات العبوة بنفسك أو اسألي الصيدلي.

٩-استخدمي مشط خشبى باسنان واسعة و تجنبي شد الشعر بعنف اثناء تمشيطه.

١٠-بالنسبه للطرح واكياس المخدة يبقى نوع القماش قطن